Cesta da compra
Equipo Sen Máis
Sen Máis é unha cooperativa de traballo asociado que ten como propósito principal levar a cabo un proxecto dedicado ao envasado, transformación e comercialización de leite e produtos derivados, sempre baixo a certificación ecolóxica. As súas instalacións están situadas na aldea de A Cernada, pertencente ao concello de Palas de Rei, na Comarca da Ulloa. Este proxecto busca promover prácticas sostibles e respectuosas co medio ambiente, garantindo a máxima calidade nos seus produtos.
Somos un proxecto cooperativo asentado no rural, comprometido co noso territorio dende o punto de vista ambiental e social. Porque a gandeiría e os proxectos de innovación ligados á mesma fixan poboación e revitalizan o mundo rural.
O noso compromiso pasa por un modelo de transformación e comercialización directa que poña en valor os recursos da nosa terra, reducindo ao máximo a nosa pegada ambiental e os residuos xerados. Apostamos polo vidro e reducimos o uso de plásticos, nos envases e nas embalaxes.
Somos gandeiras, e a nosa produción é 100% ecolóxica. Utilizamos leite procedente da nosa granxa para elaborar tódolos nosos produtos.
Envío en 48h directamente dende a nosa granxa cada martes.
